(नेपाल क्राईम)
काठमाडौंबाट जनकपुर जाँदै माइक्रोबस सिन्धुलीमा दुर्घटना हुँदा एक जनाको मृत्यु भएको छ ।
बिहीबार साँझ सुनकोशी गाउँपालिका ६ कानढुंग्रे भन्ने स्थानमा बा ३ ख ८४४५ नम्बरको हायस माइक्रोबस दुर्घटना हुँदा धनुषाको जनकपुर उपमहानगरपालिका–१० का ५० वर्षीय निर्मल गुप्ताको मृत्यु भएको हो ।
गुप्ताको धुलिखेल अस्पतालमा उपचारको क्रममा मृत्यु भएको जिल्ला प्रहरी कार्यालय सिन्धुलीका प्रवक्ता एवम् डिएसपी अनिल कुमार खड्काले जानकारी दिए ।
दुर्घटनामा अन्य १२ जना घाइते भएका छन् ।
