(नेपाल क्राईम)
बर्दियाबाट प्रहरीले ठुलो परिमाणमा लागुऔषधसहित ६ जनालाई नियन्त्रणमा लिएको छ।
बर्दिया प्रहरी अनुसार पक्राउ पर्नेमा बाँकेको खजुरा गाउँपालिका-२ ए गाउँका २६ वर्षीय गौरव विक, २३ वर्षीय सन्देश खत्री,गुलरिया नगरपालिका-१ खैरापुरका २६ वर्षीय बिष्णु चौधरी, बाँकेको खजुरा गाउँपालिका-६ सिमलघारीका २३ वर्षीय प्रकाश धामी र राजापुर नगरपालिका-४ राजापुर बजारका २० वर्षीय बिकल्प थारू र राजापुर नगरपालिका-९ दक्षिण चैनपुरका २५ वर्षीय आशिष थारू रहेका छन् ।
पक्राउ परेकामध्ये गौरव विक र सन्देश खत्रीलाई बर्दियाको बढैयाताल गाउँपालिका- २ फुटाहबाट ७ सय ८० मिलिग्राम ब्राउन सुगरसहित पक्राउ गरेको प्रहरीले जानकारी दिएको छ। त्यसैगरी बिष्णु चौधरीलाई नियन्त्रणमा लिएर बढैयाताल गाउँपालिका-८ सागुनघारीबाट भे ३ प ९७१० नम्बरको मोटरसाइकलसहित ५ ग्राम २ सय मिलिग्राम ब्राउन सुगर गरेको बर्दिया प्रहरीले जानकारी दिएको छ।
प्रहरीले प्रकाश धामीलाई बढैयाताल गाउँपालिका-३ पुष्पनगरस्थित मान झुण्डी सामुदायिक वनको प्रतिक्षालयबाट २ सय ४० मिलिग्राम ब्राउन सुगरसहित पक्राउ गरेको हो। बिकल्प थारू र आशिष थारूको साथबाट प्रहरीले राजापुर नगरपालिका-४ सरस्वती सामुदायिक वनबाट ३ सय ३० मिलिग्राम ब्राउन सुगरसहित पक्राउ गरेको जनाएको छ।
