नेपाली सेनाले विभिन्न रिक्त पदपूर्तिका लागि दरखास्त माग गरेको छ ।
भर्ना छनोट निर्देशनालय, जंगी अड्डाले आज एक सूचना जारी गर्दै सैन्य तथा विभिन्न ट्रेडका फलोअर्स पदहरूका लागि दरखास्त आह्वान गरेको हो ।
खुला प्रतियोगिताद्वारा पदपूर्तिका लागि योग्यता पुगेका इच्छुक नेपाली नागरिकले स्वयं भर्ना केन्द्रमा उपस्थित भई दरखास्त फाराम भरी दरखास्त पेस गर्नुपर्नेछ ।
दरखास्त आजबाट मंसिर २७ गतेसम्म दिन सकिने छ भने दोब्बर दस्तुर तिरेर पुष ५ गतेसम्म ।
