(बिशाल वैश्य)
रातभरि तनावग्रस्त बनेको बेतहनी सोमबार बिहानदेखि शान्त छ।
बाँकेको डडुवा गाउँपालिका-२ मा आइतबार दिउँसो ट्यांकरको ठक्करबाट दुई बालकको मृत्यु भएपछि बेतहनी रातभरि तनावग्रस्त बनेको थियो।
बिहान मृतकका परिवार र ट्यांकर सञ्चालकबीच क्षतिपूर्तिसम्बन्धमा सहमति जुटेपछि स्थानीयले प्रदर्शन रोकेका थिए।
सहमति जुटेसँगकै परिस्थिति सामान्य बनेको जिल्ला प्रहरी कार्यालय बाँकेका प्रमुख एसपी तुलबहादुर कार्कीले जानकारी दिए।
