सशस्त्र प्रहरीका आईजीपी राजु अर्यालले चेनअफ कमाण्डमा विशेष ध्यान दिइरहेका बेला सशस्त्र प्रहरी बल, नेपाल ११ नं. गण रौतहटका गणपति सशस्त्र प्रहरी उपरीक्षक सन्तोषकुमार बस्नेतलाई सशस्त्र प्रहरी हेडक्वाटर झिकाइएको छ ।
बुधबार सशस्त्र प्रहरी उपरीक्षक बस्नेतलाई सोधपुछका लागि हेडक्वाटर झिकाइएको सशस्त्र प्रहरी बल नेपालका केन्द्रीय सहायक प्रवक्ता शैलेन्द्र थापाले बताए ।
सशस्त्र प्रहरी उपरीक्षक बस्नेतसँगै बेस क्याम्प सन्तपुर, रौतहटका सशस्त्र प्रहरी नायब उपरीक्षक राजेन्द्र बस्नेतलाई पनि हेडक्वाटर झिकाइएको छ । सशस्त्र प्रहरी नायब उपरीक्षक बस्नेतलाई यस अघि नै सशस्त्र प्रहरी बल, नेपाल नं. २ छिन्नमस्ता बाहिनी मुख्यालय बर्दीबास, महोत्तरीबाट सचेत गराई पठाइएको थियो ।
सशस्त्र प्रहरी बल नेपाल ११ नं. गण रौतहटका सशस्त्र प्रहरी नायब उपरीक्षक अमर लामालाई समेत केहि दिनदेखि हेडक्वाटमा राखेर अनुसन्धान भइ रहेको छ ।
सशस्त्र प्रहरी बल नेपाल ११ नं. गण रौतहट तथा रौतहटका विभिन्न बिओपी एवम् बेस क्याम्पमा कार्यरत अन्य १६ जना बिभिन्न दर्जाका सशस्त्र प्रहरीलाइ सशस्त्र प्रहरी बल, नेपाल नं. २ छिन्नमस्ता बाहिनी मुख्यालय बर्दीबास, महोत्तरीबाट आवश्यक कारबाही गरी फिर्ता पठाइसकिएको छ ।(रास्स)
