रौतहटको गरुडामा निजी कारबाट ठूलो परिमाणमा लागुऔषध गाँजा बरामद भएको छ ।
गरुडा नगरपालिका–५ मा रहेको झाँझ खोला नजिकै ग३च ६७९६ नम्बरको कारबाट प्रहरीले १३ पोकामा रहेको १३३ किलो गाँजा बरामद गरेको हो ।
प्रहरीले गाडीलाई पछयाउँदै जाने क्रममा झाँझ खोला नजिक रहेको सडकभन्दा तल झण्डै २० फिट गहिरो खरको घारीमा छोडेर चालक फरार भएको डिएसपी कार्कीले जानकारी दिए ।
प्रहरीले गाडीलाई क्रेनको सहायताले निकालेर त्यसमा रहेको गाँजा निकालेर नियन्त्रणमा लिइएकोे छ ।
