सशस्त्र प्रहरी बल प्रहरी अतिरिक्त महानिरीक्षक (एआइजी) को एक पद रिक्त छ।
तर पद रिक्त भएको महिनादिन बितिसक्दा पनि पूर्ति हुन सकेको छैन।
सशस्त्र प्रहरी बलका एआइजी चन्द्रप्रकाश गौतम ३० वर्षे सेवा अवधिका कारणले वैशाख २ गते अवकाशमा गएका थिए।
उनी अवकाशमा गएपछि बढुवा समितिले सशस्त्र प्रहरी नियमावली २०७२ अनुसार बढुवाका लागि योग्य उम्मेदवारले प्रतिस्पर्धाका लागि आवेदन खुलाएको थियो।
बढुवा समितिले वैशाख १४ गते एक हप्ताका लागि सूचना प्रकाशन गरेको थियो।
सशस्त्र प्रहरी नियमावली अनुसार यसमा गृहमन्त्रालयका सचिव अध्यक्ष रहने व्यवस्था छ। सशस्त्र प्रहरी बलका महानिरीक्षक (आइजिपी) सदस्य सचिव रहने व्यवस्था छ।
तर पछिल्लो समय बढुवा समितिको बैठक बस्न सकेको छैन।
